Холандската авиокомпанија КЛМ објави привремен прекин на летовите меѓу Амстердам и аеродромот „Бен Гурион“ во Тел Авив, почнувајќи од 1 март, поради растечките тензии со Иран и можноста за воен конфликт. „КЛМ континуирано ја приспособува својата глобална мрежа врз основа на пазарната побарувачка и оперативните околности. Во моментов не е комерцијално ниту оперативно изводливо КЛМ да извршува летови за Тел Авив“, се наведува во соопштението на авиокомпанијата кое го пренесува „Тајмс оф Израел“. Компанијата нагласува дека ќе „продолжи да го следи развојот на настаните и повторно ќе ја процени одлуката во зависност од околностите“. Во соопштението се додава дека на патниците кои веќе купиле билети ќе им бидат понудени опции за повторна резервација за друг датум или поврат на парите. САД и Иран преговараат за иранската нуклеарна програма, при што САД изрично бараат Иран да не смее да дојде до нуклеарна бомба. Американскиот претседател Доналд Трамп повеќепати изјави дека, доколку не се пост...