Администрацијата на Трамп планира да изгради воена база за 5.000 војници во Газа, распространета на 140 хектари, дознава британскиот весник „Гардијан“. Според договорите на Одборот за мир, до кои „Гардијан“ дошол, станува збор за оперативна воена база за идните Меѓународни сили за стабилизација (МСС), кои треба да бидат мултинационални. МСС е дел од Одборот за мир што треба да управува со Газа. Одборот го предводи американскиот претседател Доналд Трамп, а делумно го управува неговиот зет Џаред Кушнер. Плановите што ги разгледа „Гардијан“ предвидуваат фазна изградба на воена база со димензии 1.400 на 1.100 метри, опкружена со 26 оклопни набљудувачки места на приколки, полигон за лесно оружје, бункери и складиште за воена опрема. Целата база ќе биде опкружена со бодликава жица. Плановите предвидуваат мрежа од бункери, секој со димензии шест метри на четири метри и висина од 2,5 метри, со сложени системи за вентилација во кои војниците можат да влезат за заштита. Базата е наменета да се н...