Група експерти задолжени да ја советуваат Европската комисија за тоа како да се подобри безбедноста на децата на интернет, денеска го одржа својот прв состанок. - Со децении го правевме реалниот свет побезбеден за децата и мораме да го сториме истото во дигиталниот свет – изјави претседателката на Европската комисија, Урсула фон дер Лајен, која беше домаќин на првиот состанок на панелот. - Позитивните можности што ги нуди технологијата не смеат да бидат на штета на нивната безбедност, здравје или среќа – рече таа. Како што пренесе ДПА, препораките би можеле да бидат одлучувачки во дебатата за одредување минимална старосна граница за користење на социјалните мрежи. Иако повиците за старосни ограничувања се сè погласни во некои земји на ЕУ, Комисијата досега нема предложено закон што би им овозможил на членките да воведат минимална возраст. Фон дер Лајен истакна дека Комисијата веќе спроведува закони што ги обврзуваат технолошките платформи да ги чуваат корисниците безбедни. „Но, мораме ...