Стариот објект на основното училиште „Кочо Рацин“ во Нов Дојран се уште стои во сеќавањата на најстарите жители на ова населено место, иако по пожарот кој го зафатил пред повеќе од дваесеттина години, останале само рушевините. Учениците кои тука го завршиле основното образование паметат дека училиштето било на два ката, во влезниот дел го красел голем насликан ѕиден мурал, како и музејски примероци од живиот свет во Дојранското Езеро. На долниот кат настава држеле одделенските паралелки од прво до четврто одделение, додека на вториот кат учеле класовите од петто до осмо одделение. - Доле се наоѓаше и кабинет по предметот ОТП, а зад школото имавме спортска сала, во која во едниот крај имаше и бина каде се држеа училишни претстави. Одевме во смени, така што прва смена секогаш беа класовите, кои обично ги имаше по два од истата генерација, додека одделенија имавме само по едно од секоја година и броеја по десеттина ученици, бидејќи тоа беа само децата што живеат во Нов Дојран. Се сеќавам ...