„Шпанската полиција уапси 20-годишен хакер кој со помош на софистицирана кибер технологија резервирал престој во луксузни хотели за само еден цент за ноќ. Ова е првиот познат случај од ваков вид, кој вклучува манипулација со системот за плаќање при онлајн резервации на хотели, иако не се исклучува можноста дека веќе имало вакви случаи и претходно, но не биле откриени, пишува шпанскиот онлајн портал Јуроуикли Њуз (EuroWeekly News). Осомничениот, шпански државјанин, наводно измамил најмалку еден луксузен хотел во Мадрид за повеќе од 20.000 евра преку повеќекратни престои. Тој вчера беше уапсен додека престојувал во луксузниот хотел, каде вредноста на сместувањето се проценува на околу 1.000 евра од ноќ. Дваесетгодишникот наводно хакирал веб-страница за резервации на хотели, таргетирајќи го нејзиниот систем за валидација на плаќањата. Со кибер напад, ја изменил платформата за електронско плаќање така што трансакциите на рецепцијата изгледале комплетно овластени и завршени, иако всушност б...