По договорот за стратешко партнерство со Обединетото Кралство, како и по затворањето на пост-мониторинг дијалогот со Советот на Европа по цели 26 години, МАкедонија во краток временски период доби уште една значајна меѓународна потврда за својот политички и институционален курс. Доцна синоќа, Белата куќа објави Заеднички договор меѓу Соединетите Американски Држави и Македонија за воспоставување рамка за реципрочна, фер и избалансирана трговија, со што официјално се отвора патот кон сеопфатен билатерален трговски договор. Со постигнатиот договор меѓу САД и МАкедонија се истакнува дека двете земји се согласиле на принципи кои имаат за цел да ја зајакнат економската соработка и да обезбедат проширен пристап на извозниците од двете држави до меѓусебните пазари. Според договорената рамка, Македонија ќе ги укине царинските давачки за сите индустриски и земјоделски производи со потекло од САД што се извезуваат на домашниот пазар, додека американската страна ќе задржи реципрочни тарифи за маке...