Актуелните инфраструктурни проекти што се операционализираат долж Коридорот 8, предизвиците во нивната реализација, како и потребата од засилено политичко внимание и координација биле во фокусот на разговорите на Министерскиот состанок „Коридор 8 во стратешкиот момент на Европа: Поврзаност, отпорност преку воена мобилност и споделен просперитет преку интеграција“ во Тирана, на кој учествува министерот за надворешни работи и надворешна трговија, Тимчо Муцунски. Како што соопшти МНРиНТ Муцунски на состанокот присустува на покана на министерката за Европа и надворешни работи на Република Албанија, Елиса Спиропали, а на него се и министрите од Италија, Бугарија и Романија. Состанокот се реализирал како продолжение на инаугуративната сесија одржана во Бриндизи на 27 јули 2023 година, а на него министрите констатирале дека постои заедничко разбирање оти Коридор VIII треба да функционира како еден прекуграничен систем, а не како серија одвоени национални проекти што запираат на следната држав...