Ризикот од лавини во европските зимски спортски центри останува висок поради обилните снежни врнежи, соопштија властите во Швајцарија, Австрија, Франција и Германија. Кантонот Вале во Швајцарија денеска наутро прогласи највисоко ниво на предупредување за лавини – Ниво 5, додека во целиот алпски регион во сила остана Нивото 4, извести Институтот за истражување на снег и лавини WSL во Давос. Висок ризик беше пријавен и на надморска височина над 1.800 метри во западна Австрија. Новиот снег и снежните наноси предизвикани од ветерот би можеле да предизвикаат лавини во Форарлберг и делови од Тирол, се наведува во извештаите. За делови од Австрија оваа недела се предвидуваат дополнителни обилни снежни врнежи. Италијанските претставници на планинската спасувачка служба повикаа на голема претпазливост во планините, особено во Пиемонт, долината Аоста и Јужен Тирол. Во Франција, националната метеоролошка служба Météo France информира за висок ризик од лавини, додавајќи дека тој полека се намалува...