Претседателот и извршен директор на Голдман Сакс, Дејвид Соломон, вели дека финансиските пазари имале изненадувачки „мека“ реакција на војната во Иран, бидејќи конфликтот влегува во својот петти ден. Шефот на Голдман Сакс зборуваше на бизнис самитот на „Аустралијан Фајненшл Ривју“, во време кога инвеститорите внимателно го следеа движењето на цените на нафтата откако Иран објави дека Ормутскиот теснец е затворен и дека секој брод што поминува низ него ќе се смета за цел, пишува Си-Ен-Би-Си. „Всушност сум изненаден“, рече Соломон на настанот. „Мислам дека реакцијата на пазарот, со оглед на обемот на ова, беше поблага отколку што може да се очекува.“ Американските акции беа волатилни во последните денови и завршија во вторник со пад. Индексот „Дау Џонс“ падна за 0,83%, S&P 500 за 0,94%, а Nasdaq Composite за 1,02%. Се очекува американските акции повторно да се отворат пониско во среда. „Мислам дека ќе бидат потребни неколку недели за пазарите навистина да ги разберат импликациите од она ...