Стотици луѓе учествуваа на марш организиран денеска од крајно десничарски групи во Лион, откако десничарски, националистички активист почина од претепување во градот. Францускиот претседател Емануел Макрон повика на смиреност пред да му оддаде почит на Квентин Деранк, 23-годишникот кој почина во болница минатата недела од повреди на мозокот. Демонстрациите се одржаа под строга полициска контрола. „Ова е момент на сеќавање и почит кон овој млад сонародник кој беше убиен, неговото семејство и најблиските. Тоа мора да биде на прво место. А потоа е момент на цврстина и одговорност“, рече Макрон. Седум лица беа приведени и против нив беа поднесени прелиминарни обвиненија. Јавното обвинителство на Лион побара секој од нив да биде обвинет за убиство со умисла, тешко насилство и криминален заговор. Шестмина обвинети се соочуваат со сите три обвиненија, додека седмиот е обвинет за соучество. Деранк беше нападнат за време на судир меѓу поддржувачи на крајната левица и крајната десница на маргини...