Нема да има кратења на субвенциите, туку ќе се воведат дополнителни условувања во делот на производството. Целта е да се зголеми продукцијата на храна и финансиската поддршка да ја добијат вистинските земјоделци, порача денеска министерот за земјоделство, шумарство и водостопанство, Цветан Трипуновски. Трипуновски најави засилени, но не, како што напомена, тенденциозни контроли на терен, зашто се забележани корисници на субвенции што воопшто не ги обработуваат површините. Притоа потсети дека минатата година беше потпишан меморандум за соработка, со кој инспекторите од Државниот инспекторат за земјоделство ѝ се ставаат на располагање на Платежната агенција за да се спречи одлевање државни средства кај лица кои што досега користеле поддршка, а не обработувале земјоделска површина. Неблагодарно е, дополни, да се даваат по 100 милиони евра годишно, а да се бележи пад на производството и на сточниот фонд. - На владина седница е усвоена новата програма за директни плаќања за 2026 година, а н...