Уставниот суд на Косово доцна синоќа и нареди на претседателката Вјоса Османи пред 31 март да не го објавува датумот на предвремени избори во земјата, потег што дополнително ја продолжува политичката криза што ја зафати балканската држава. Претседателката Османи во петокот го распушти парламентот и свика вонредни избори, без да одреди датум, откако пратениците не успеаја да изберат нов шеф на државата во уставниот рок што истече во четвртокот на полноќ. Нејзиниот потег ја продолжи политичката блокада во Косово, најмладата европска земја што се стреми да се приклучи кон Европската Унија. Косово немаше функционална влада поголемиот дел од минатата година бидејќи поделениот парламент не успеа да избере претседател на парламентот со месеци. Во пресуда на Уставниот суд, објавена доцна синоќа, привремено и се забранува на претседателката да одреди датум за избори, а исто така ги замрзна напорите на парламентот за избор на нов шеф на државата. Одлуката на судот останува на сила до 31 март. Пр...