Поради насилното однесување на синоќешниот протест на опозицијата во Тирана, кога четири часа дивееја пред Владата и Парламентот, уапсени се 46 лица. Судирите меѓу полицијата и демонстрантите започнаа веднаш по говорот на лидерот на Демократската партија, Сали Бериша, кога поддржувачите почнаа да фрлаат молотови коктели и пиротехнички средства кон објектот на Владата. Тие продолжија пред Парламентот, каде што демонстрантите беа уште понасилни кон полицијата, а попатно запалија и многу контејнери за отпад. https://youtu.be/8LWujD06Xeo Покрај полициските службеници беа вклучени и специјални единици за разбивање нереди, употребени беа водени топови и солзавец. Во објава на социјалните мрежи министерката за внатрешни работи Албана Коџиу го осуди, како што го нарече, вандализмот на демонстрантите, додавајќи дека нападот врз полицијата е „кривично дело“. Опозициските демократи не добија дозвола за одржување на протестот, но имајќи ги предвид претходните протести, кои, како и овој, создадоа х...