Симона Поповска на јавноста ѝ ја претстави својата нова емотивна поп-балада насловена „Небитен“. Станува збор за композиција која ја раскажува приказната за моментот кога сфаќаме дека сме станале небитни за некој што сè уште ни значи. Автор на музиката и аранжманот е Панче Касапски, додека текстот е со потписот на Кристина Зимбакова-Маркоски. Зад продукцијата, миксот и мастерингот стои Дулелуд, во соработка со самата Симона, која учествува и во придружните вокали. И тука не завршува целиот ангажман на Симона, овојпат таа се погрижи самата и за изгледот и изборот на модните комбинации, односно уникатните одела на Сигнори. Видеото, пак, е снимено во планинскиот еко центар Grizzly - уникатна дестинација на најубавиот видик на езерото Козјак, а во продукција на 20TWO Studio под режисерската палка на Крсте Шупев. Кадрите ја следат внатрешната трансформација на една жена која однадвор изгледа смирено и контролирано, но останува затворена во сопствената тишина, стабилна однадвор, а скршена од...