Принцовите Вилијам и Хари наводно се скарале непосредно пред заедничката прошетка во Виндзор со Кејт и Меган во 2022 година, што многумина го опишале како непријатно. Тоа се случило денот по смртта на кралицата Елизабета Втора, тврди експерт за читање усни. Тоа беше прв пат таканаречената „позната четворка“ да биде видена заедно во јавност откако војводата и војвотката од Сасекс се повлекоа од кралските должности во 2020 година. Сите носеа црно во знак на жалост за покојната кралица. Нови детали за затегнатиот однос на браќата се откриени во нов документарец, објавува „Дејли меил“. Напната размена на зборови Во документарецот на Канал 5 насловен „Усните го читаат кралското семејство: Што навистина велат?“, експертот за читање усни, Никола Хиклинг, ги анализираше напнатите моменти што доведоа до појавувањето на двата пара пред толпа граѓани, каде што гледаа цвеќиња положени пред имотот Беркшир. Според нејзината анализа, додека се приближуваа кон портата, Вилијам се сврте кон Кејт и рече...