Се нафатив на работа што остава траги зад себе и тоа се мојата желба и фокус. Во исто време сум свесен, апсолутно свесен, не сум јас од вчера во оваа работа, дека одредени кујни и одредени спин-мајстори сакаат да создадат привид за проблем или за раскол или за што било во ВМРО-ДПМНЕ, рече вечерва вицепремиерот и министер за транспорт Александар Николоски во врска со одлуката на партискиот лидер Христијан Мицкоски да не прифати промени на Статутот на партијата, што значи дека ВМРО-ДПМНЕ во 2029 година ќе има нов претседател. Во интервју за „360 степени“, Николоски истакна дека дискусиите во јавноста за тоа кој ќе го наследи лидерското место на Мицкоски во ВМРО-ДПМНЕ се спинови и теории на заговор. Според него, не треба да се бара скриена порака ниту во одлуката на Мицкоски да нема потпретседатели на партијата во овој негов лидерски мандат. - Кога ВМРО-ДПМНЕ не би била во оваа позиција во којашто е сега, веројатно тие дискусии би дошле два-три месеци пред следниот конгрес, редовен, значи...