Во пресрет на 1 март - Денот на Баталјонот на специјалните сили на македонската Армија, денеска беше одбележан денот посветен на храброста, дисциплината и пожртвуваноста на припадниците на Баталјонот за специјални сили „Волци“. -Специјалните сили „Волци“ се симбол на непоколеблива решителност и врвна подготвеност. Тие се први кога е најпотребно, најсилни кога е најтешко и најодлучни кога татковината бара сигурност и заштита. Со беспрекорна обученост, тимски дух и силно чувство за должност, секојдневно ја потврдуваат својата елитна позиција во македонската Армија. Вашата служба не е само професија, таа е заклетва, чест и љубов кон Македонија. Благодарение на вашата пожртвуваност, нашите граѓани се чувствуваат безбедно, објави министерот за одбрана Владо Мисајловски.