Манасиевски во својата изјава оцени дека СДСМ, „од некогаш државотворна партија, станала прокси партија“, притоа директно посочувајќи ги Венко Филипче и поранешниот премиер Зоран Заев како носители на, како што рече, „антидржавна политика“. Во изјавата се споменува и Зоран Башановиќ, кого Манасиевски го опиша како лице што има влијание врз креирањето на таквите политики. Според него, политиките што подразбираат, како што наведе, „коленичење кон одредени соседи и прифаќање на нивните барања“ се штетни за државните интереси и за македонскиот народ. Манасиевски тврди дека ваквиот пристап е дел од статутарните определби на СДСМ и дека токму тоа придонело за пад на довербата кај граѓаните. „Рејтингот на Филипче и на СДС се брои на прсти“, изјави Манасиевски, додавајќи дека партијата не ја извлекла поуката од, како што рече, пораките што ѝ ги испратил народот на изборите. https://www.youtube.com/watch?v=CUG22MvHXm8&authuser=1