Изјавите на поранешната обвинителка од СЈО, Лејла Кадриу дека во институцијата постоеле сериозни проблеми и постапувања зад затворени врати, не се изненадување за правосудната фела, вели обвинителот Јово Цветановски, кој тврди дека лично се соочил со последици токму поради предмети што потекнуваат од СЈО. „Можеби за дел од јавноста изјавите на колешката Кадриу беа изненадување, но сигурен сум дека за правосудната фела, особено моите колеги обвинители, не. Кадриу само го потврди тоа што потајно се шпекулираше за случувањата зад затворени врати во СЈО. Сега тоа не се шпекулации, туку потврдување од сведок кој лично ги увидел состојбите“, вели Цветановски во интервју за Република . Констатирав сериозни процесни пропусти Како јавен обвинител во Вишото јавно обвинителство Скопје, постапувајќи во втор степен по жалби во предмети на СЈО, Цветановски вели дека имал увид во повеќе нивни обвиненија. „Во сите предметни обвиненија констатирани се голем број процесни пропусти – поднесени обвиненија...